Qırımtatar örnekleri er kesni meftün ete. Amma nağışlı şeylerge tek baqmaq degil de, nağış usulı, örneklerniñ manası, tilini de añlamaq meraqlıdır. Çünki örneklerniñ er biri ayrıca müim bir mana taşıy. Cümleden, örneklerge baqıp insannıñ cemiyetteki alı, yeri, evli ve ya da bekâr olğanını bilmek mümkün. Bugünki levhamızda örneklerdeki qadın işaretlerini baqacaqmız. Ukrainada nam qazanğan ressam, sanatşınas Mamut Çurlunıñ «Qırımtatarlarnıñ ananeviy medeniyeti» kitabından faydalanıldı
