Qırımnı 1803 ve 1806 yıllarda ziyaret etkene ve yarımadanı başından soñunace kezip çıqqan alman ressamı İogann Karl Ferdinand fon Kügelgen öz eserlerinde XIX asırnıñ Qırımını tasvirlegen. Onıñ icadı sayesinde yarımadanıñ o devirge ait mimarlığı, evleri ve tamır halqını tasavur etmek imkânı bar. Ressamnıñ eserleri, albomları bugün tek bediiy degil de, tarihiy qıymetke de maliktir.
