Qırım hanlığı zamanında «boza» içimligi faydalı bir içimlik sayılğan. Boza satılğan yerlerge ise «bozahane» denilgen. Böyle müessiseler tek qırımlılar arasında degil de, yarımadağa kelgen çoqsayılı musafir ve seyahatçılar arasında da meşur olğan. Olarnıñ aytqanlarına köre qırımtatarlar bu içimlikni azırlavda mükemmel bir derecege yetip, retseptleri ise diger milletlerniñ bozasından farq etken. Bozanı neden azırlağanlar ve o devirniñ cemaat bozahanesi nasıl olğan?
