Qırımtatarlar öz evlâtlarınıñ tasiline pek büyük emiyet bergenler. Evel zamanlarda atta küçük köylerde bile mektep, medreseler çalışqan. Meselâ, ealisi 100 kişiden ibaret Sıcivut (Qara-Sıcivut) köy mektebinde 15-20 bala tasil alğan. Bu aqta belli oca, tarihçı Abduraman Bari yazğan. Köy cemaatı Türkiyede oqup kelgen ocalarnı öz parasına işke davet etken. Medreselerde din derslerinden ğayrı, sarf, oquv, coğrafiya, esap dersleri de berilgen. Levhanı azırlavda A. Bariniñ «Ayatımnıñ unutılmaz levhaları» kitabından faydalanıldı
