1930-ıncı s. olıp keçken kollektivizatsiya qırımtatar ustalarına da pek tesir etti, olarnı ortaqlıqlarğa birleştirmege başladılar. Eñ büyük ortaqlıq «Quyumcı» ustahanesi kibi belli olğan, o, 1937 s. meydanğa keldi. Anda Bağçasaraynıñ eñ belli quyumcıları toplanğan edi. Ustahanede bütün ilvanlar ucuz demirden yasalğan, qırımtatar ve sovet ükümetiniñ timsalleri ananeviy usullarda yapılğan.
