Qadimiy zamanlarda ecdatlarmız at qoşularını sıq ötkergenler. Yarışlar er bayramda, hususan, toylarda keçirilgen.19-nci asırnıñ soñu 20-nci asırnıñ başında faaliyet köstergen ülkeşınas ve yazıcı Semön Vasükov yarışlardan birinde bulundı: «Eñ başında er şey qarışıp qaldı, yavluqlar közlerni qamaştırlı, nallar yılım-yılım yıltray edi. Soñra, birileri sağ tarafqa, başqaları sol tarafqa ayırılıp başladı…. O zaman, aqiqiy qoşu başlandı: atlar sıçrap, çıqur ve endekler üstünden uçıp kettiler, de töpege, de aşağa kettiler, ormandaki terekler arasında de ğayıp ola, de kene de yavluqlarnen beraber peyda ola ediler, biri-biriniñ qolundan şu yavluqnı almağa tırıştılar…. Öyle havflı yarışnı ömürimde körmegen edim. Em adamlar, em atlar cesürlik ve ustalığını numayış ettiler. Eki yigit ayrı diqqatqa nail oldılar. Olar, başqalarnıñ qolundan yavluqlarnı çaypap aldılar».
