Bir qırımtatar qorantasında qadimiy köküs bezegi, şimdi siyrek rastkelgen qaside saqlanıp qalğan. Medeniyetşınas ve quyumcı Evelina Asanova ilvannı közden keçirgen soñ, bu usta başı (baş usta) unvanına saip olğan Bağçasaraynıñ eñ namlı esnafçılarından biri — Zekeriya İbraimniñ işi, degen hulâsağa keldi. O, Üsein Bodaninskiynen beraber Hansaray müzey kollektsiyasını yaratuvda iştirak etken ve aynı vaqıtta 1925 senesi Parij sergisi içün ilvanlar azırlağan. Onıñ yapqan qadimiy qasidesini Qırımtatar medeniy-tarihiy miras müzeyinde körmek mümkün.