Selim Selimovnıñ anası Ayserez köyündeki bu eski qırımtatar evinde doğdı. O, qartbabasınıñ öz ellerinen qurulğan evniñ tarihı ve qorantasınıñ keçmişi aqqında soy-soplarınıñ ikâyeleri yardımınen çoq şeyler bile. Ev em quvançlı, em de facialı çoq vaqialarnıñ şaatı oldı; o, hatırlavlar yeri ve ecdatlarınen ruhiy bağ timsalidir. Bugün onıñ evlâtları mülkni qaytarıp almağa muvaffaq oldılar. Olarnıñ birinci maqsadı tek evni tiklemek degil de, ecdat eviniñ hatırasını saqlap qalmaqtır.