Qırımtatarlarnıñ toy merasimleri — ecdatlarımızdan qalğan büyük bir hazinedir. Onda, unikal merasimlerden ğayrı cemaat ayatınıñ bütün ceetleri: aile içindeki munasebetlerden başlap ta evniñ ananeviy donatılmasına qadar öz aksini tapqan: Em şunı qayd etmeli ki, Qırımnıñ er bir regionında bu merasimniñ öz hususiyetleri olğan. Diqqatıñızğa taqdim ettigimiz bu filmniñ(stsenariy müellifi — Lilâ Bucurova, rejissör — Dlâver Dvaciyev) çekimlerini başlağan «Qaradeniz production» qırımtatar toyunıñ muayyen bir obrazını yaratmaq yolunı seçti: bir taraftan, umumiy adetler, ekinci taraftan ise Qırım tamır halqınıñ zihniyetini köstergen unikal merasimlerde toqtaldı. Filmni seyir etiñiz, ecdatlarımız yaşağan devirniñ müitiniye dalıñız.