Doğma Albat köyünden 83 yaşlı Lilâ Sufyanova 110 yıllıq Quranını köz bebegi kibi saqlay. Bu Quran saiplerinen beraber sürgünlikke ketip, 48 yıldan soñ yurtqa qayttı. Lilâ hanımğa kitap Merğube qartanasından keçken. Kitapnıñ birinci saifesinde İsmail Gasprinskiyniñ hayriye yardımı sayesinde 1910 senesi Bağçasarayda basılğanı yazılğan. Lilâ Sufyanova muqaytlıqnen saqlağan Qurannı balalarına bermek niyetinde.