Keriç civarındaki Uzunlar köyü artıq haritada yoqtır. Amma Uzunlardaki cami ve mektepni, nomay bereketli tarlaları, çeşme ve avutlarını unutmağan doğma uzunlılar ve olarnıñ balalarınıñ hatırasında köy daima yaşamaqta. Sakinleriniñ işkirligi ve becerikligi sayesinde köy ep ilerilegen ve inkişaf etken. 1944 senesi sürgünlikte soñ Uzunlarnıñ adı başta Prostornoye, dep deñiştirildi, soñra köy boşaldı ve ğayıp oldı. Levhada Nariman ve Halide Batalovlarnıñ «Bütün Qırım içinde bir top gülüm» kitabından malzemeler, bunıñ kibi Rustem Kacametovnıñ arhivinden fotolar qullanıldı.
