Yuriy Osmanov — küreşçi ve halqınıñ aqları oğrunda küreşçiniñ oğlu

Bugün qırımtatar halqı milliy areketi yetekçilerinden biri Yuriy Osmanov sağ olğan olsa 80 yaşını toldurır edi. Halqınıñ menfaatları yolunda o, ilmiy karyerası, raat yaşayışını qurban ketirdi. Amma, qarar almaq imkânı olsa o, kene de aq yolunı saylar edi. Yuriy Osmanov pek erte — vahşiyane köteklenüvden soñ 52 yaşında elâk oldı.