1938 senesi aprel 17 künü – kerçekten de, qırımtatar halqı tarihınıñ eñ facialı künlerinden biridir. 1938 senesi şu künden başlap 3 kün içinde milletimizniñ eñ ileri, eñ aydın insanları öldürildi. Stalin akimiyeti qırımtatar halqınıñ Asan Sabri Ayvazov, Üsein Bodaninskiy, Abdulla Lâtif-zade, Seitcelil Hattatov kibi yüzlernen aydınlarnı mahv etti. Ziyalılarnı idam etken akimiyet bunıñnen qırımtatar halqına yeri toldurılmaycaq zarar ketirdi. Tarihçı Gülnara Bekirovanıñ malzemeleri qullanıldı.
