1970-nci yıllarda yüzlernen qırımtatarlar akimiyetten izin beklemeden Qırımğa yol aldılar. Vatanda olarnı çeşit manaçıqlar ile qayd etmediler, pasport rejimini bozğanı içün yaqaladı, mahkeme etti ve atta öz parasına satın alğan evinden tekrar-tekrar quvıp çıqardılar. 1978 senesi oktâbr 15 künü SSSR Nazirler Şurası qırımtatarlarnı Qırımdan sürgün etüvni qolaylaştırğan qarar qabul etti. Endi bu iş içün rayon icra komitetiniñ qararı yeterli olacaq edi.