Keçenlerde Yalta civarındaki Köreiz qırımtatar qasabası 30 yıllığını qayd etti. 1990 s. sentâbrniñ 16-nda vatandaşlarımız mındaki tütün tarlasında yerleştiler. Atta soqaqlardan biri 16 sentâbr soqağı dep adlandırıldı. O vaqıt ise bir qaç ay devamında vatadaşlarımız aqqı olğan topraq içün küreşmege mecbur oldılar. Yıllar soñra boş tarla güzel qasabağa çevirildi, bağçalar quruldı, yaş nesil östi. Yerli sakinler 30 yıl evelsi olğanı kibi birlik olıp, biri-birine qol tutalar.