Qırımtatar halqı vatanğa kütleviy şekilde qaytıp başlağanda Qırımda qurulğan birinci qırımtatar qasabalarından biri – Kezlevdeki İsmail Bey qasabası 35 yıllığını qayd etmekte. 1990 senesiniñ avgust ayında mında boşluqta suvsız-ışıqsız çadırlar tura edi. Bugün ise bu – 8 biñ ealisi, öz cami ve mektebi, elektrik yarığı ve asfalt yolları olğan büyük bir qasabadır. Amma, Vatan nasıl meşaqatlar esabına elde etilgenini yalıñız İsmail Bey qasabasınıñ qırımtatarları bile.