22-23 sentâbr künleri qırımtatarlar Derviza – bağça-tarla işleri bitkeni munasebetinen bayramnı qayd eteler. Bu vaqıtta köy hocalığı işlerine yekün çekilip, toplanğan bereketniñ esabı yapılğan. Bayram şeñ-şeramet, oyun-yırlar ve mıtlaqa köbete ile qayd etilgen. Dervizanıñ timsali dep elek sayılğan. Onı bayırdan tığırtıp kelecek yılnıñ bereketli ya da bereketsiz olacağını körgenler. Qırımtatar medeniy-tarihiy müzeyniñ malzemeleri esasında.