Bu yıl bir sıra qırımtatar çadır şeerçikleriniñ tiklenilmesine 30 yıl tola. 1990 s. qırımtatarlar akimiyetke defalarca yapqan muracaatlarına cevap alalmayıp, boş yerde yerleşip, topraq damartılarınıñ berilmesini talap etmege başladılar. Böyle aktsiyalardan biri Aqmescitteki Marşal Jukov soqağı civarında olıp keçti. Şimdiki vaqıtta mında Merhamet qasabası yerleşe, bu yerde 2000-den ziyade adam yaşay, ekseriyeti- qırımtatarlar. Qasabanıñ 30 yıllığını yerli sakinler qurulıp bitmegen balalar meydançığında büyük bayram teşkil etip qayd etecek ediler. Lâkin bayramdan evel faallerge resmiy vesiqanı berip, koronavirus sebebinden tedbirni keçirmege yasaq ettiler.
Aqmescit civarındaki Merhamet qasabası 30 yaşında
