1967 senesi sentâbr 5 künü qırımtatarlarnıñ Qırımğa qaytmaq ümütlerini baltalağan Ferman çıqtı. Vesiqa halqnıñ faşistlernen işbirlik suçını lâğv etti, amma qırımtatarlar artıq sürgünlik yerlerinde temelli yerleştiler, dep qayd etti. SSSR Yuqarı Şura Prezidiumınıñ fermanı sürgün etilgenlerge SSSRniñ er yerinde yerleşmek aqqını bergen kibi edi. Vesiqalardaki hucur cümlelerge baqmadan qırımtatarlar bu fermannı Vatan yolunı açqan bir vesiqa kibi qabul eterek sentâbr ayınıñ soñlarına bir çoq qorantalar qaytıp keldi.
