Bu künlerde dünyanıñ bütün musulmanları Qurban bayramını qayd etmekte. 105 yıl evelsi ise Bağçasaray sakinleri içün bayram faciağa çevirildi. 1919 senesi şeer musulmanlarını Hansaray azbarına Qurban bayram şeñligine çağırdılar. Anda ise olarnı tuzaq bekley edi – toplaşqan erkeklerni aqgvardiyacılar şompollarnen köteklediler. Halq bu faciağa bugün de sevip yırlanılğan «Şompol» türküsinen seslendi.
