Aqmescitniñ qaysı binası qırımtatar tarihı içün eñ müimdir. Siz, belki de, bu binanıñ yanından defalarca keçkendirsiñiz. Tabiiy ki, bu bina büyük qırımtatar cemaat erbabı ve siyasetçisi Noman Çelebicihannıñ adınen bağlıdır. F.Yaqubov adına QMPU Qırımtatar edebiyatı ve jurnalistikası kafedrasınıñ müdiri, filologiya ilimleri namzeti Nariman Abdulvaapov işbu bina ve Aqmescitte Noman Çelebicihannıñ faaliyetinen bağlı diger binalar aqqında tarif ete.
