100 yıl evel Aqmescitniñ Krılov soqağında hayat qaynağan: bu yerde belli qırımtatar hayırsever insanı, polkovnik, Devlet dumasınıñ milletvekili mırza İsmail Müftiy-zade yaşağan. 1927 yılı onıñ eviniñ yanında Mustafa Subhiniñ adı berilgen kinoteatr binası qurulğan. Mında daima temaşalar numayış etilip, «Alim» filmi kösterilgen, qırımtatar yırcılarınıñ kontsertleri keçirilgen. Bu tarihiy binalar künümizgece saqlanıp qalğan. Olar aqqında alim ve tarihçı Nariman Abdulvaapov meraqlı malümatlarnen paylaşa.
