1921-23 senelerde Qırımda deşetli açlıq at oynattı. Aynı o yılları Türkiyede de tarihiy vaqialar qaynağan, milliy azatlıq cenki kete edi. Amma buña baqmadan türkler qardaş qırımtatar halqınıñ ricasına seslenip, açlıqtan çekişken insanlarğa destek elini uzattı. Bunıñ nasıl olğanı aqqında tarih ilimleri doktorı, Bilkent universitetiniñ professorı Hakan Qırımlı özüniñ «Kırım’da ve İdil-Ural Bölgesinde Açlık ve Türkiye’den Giden Yardım (1921-1922)» serlevalı tedqiqatında tafsilâtlı ikâye ete.