Mihail İsidoroviç Dubrovskiy aqqında malümat az – etnograf ve fotograf. Studentlik çağında Qırımğa kele ve 1908 senesiniñ yazı devamında Yalıboyunda yaşağan qırımtatarlarnıñ resimlerini çekip, nadir bir türkümni yarata. Onlarnen fotografiyalarda halqnıñ turmuşı, köylerdeki kündelik müit, qavehanelerniñ donatılması aks ettirilgen. Dubrovskiyniñ foto resimleri bir asır evelki Qırımnı tasavur etmek imkânını bere.