1781-1782 ss. Qırım hanlığında yüz bergen isyan

Qırım hanlığınıñ inqirazınen bağlı bir sıra facialı tarihiy vaqialarnıñ arasında 1781-1782 ss. yüz bergen isyan ayrı yer almaqta. Bu qırım halqınıñ Rusiye imeriyasına qarşı turmaqnıñ soñ ıntıluvı edi. Rusiye tarafından tain etilgen Şahin Geray tahtından eñdirilip, Qırımdan quvuldı, lâkin isyan çoq sürmedi. Rus ordusı Şahin Geraynı yarımadağa qaytardı. Han isyan iştirakçilerini acımasız cezaladı. Bu ise 2-nci Yekaterina içün Qırımnı tamamen işğal etmege fursat berdi.