Tuvğan tilini bilmegen vatandaşlarımız, onı ögrenmek qıyın, etrafta ise, er kes rus tilinde laqırdı etkenine şikâyet eteler. Lakin tilni bilmek içün yalıñız istek kerek olğanını isbatlağan örnekler bar. Olardan biri – Qırım toponimikasını tedqiq etken, «Alem-i Medeniye» portalı tesisçisi Aleksandr Gorâinov qırımtatarca serbest laf ete. O, tilni başından ögrenmek içün bir qaç tevsiye berdi.
