Qırım mektepleriniñ talebeleri arasında qırımtatar tilini kim eñ yahşı bile? F. Yaqubov adına QMPUda qırımtatar tili boyunca 16-ncı olimpiadanıñ neticelerine yekün çekildi. Bu yılı olimpiadada Qırımnıñ çeşit yerlerindeki mekteplerniñ 9, 10, 11-nci sınıf talebeleri ve universitet studentleri – cemi 200 kişi iştirak etti. Olimpiada ğalipleri diplom ve para mukâfatınen taqdirlendiler, iştirakçilerniñ episine qatıluv sertifikatları taqdim etildi.
