İ. Gaspralı kitaphanesinde, nam qazanğan horeograf Munir Ablayevge bağışlanğan, yarıq ve samimiy icadiy aqşamı olup keçti. Bu tedbir eki müim vaqianı birleştirdi: ustaznıñ 50 yıllıq icadiy yolunu ve “Teselli” balalar ansambliniñ 35 yıllığını. Bu bayramnı horeografnen birlikte keçirmek içün onuñ talebeleri, dostları, tuvğanları, sanatdaşları ve icadınıñ mühlisleri keldi. Aqşam sıcaq hatırlavlarnen, samimiy tebessümlernen ve aqıqıy sanat müitinde keçti.