Tıraş merasimi — qırımtatar toy adeti

Evel zamanlarda qırımtatar toyu arfesinde kiyevniñ evinde Tıraş merasimi keçirilgen. Mahsus davet etilgen berber tantanalı sürette kiyevni tıraş etken. Bu adet yaş yigit boydaqlıq çağınen sağlıqlaşıp, artıq evli aqay olğanını bildirgen. Merasimden soñ kiyevniñ ana-babası fatiha bergenler. Yaqın vaqıttan berli Qırımda bu qadimiy adet ğayrıdan canlandırıldı.