100 ya da 200 yıl evelsi qırımtatar ananeviy urbaları nasıl olğanını bilesiñizmi? Suñiy zekâ ve içtimaiy ağlar devrinde biz bu aqta çoq vaqıt yañlış fikirlerge baramız. Kençenlerde *Nenkecan* mecmuası tarafından teşkil etilgen ve etnolog, F. Yaqubov adına Qırım müendislik-pedagogika universitetiniñ tarih ilimleri namzeti, dotsenti Ülviye Ablayeva tarafından taqdim etilgen lektsiya — milliy urbanıñ medeniy ananeler çerçivesinde deñişüvini kosterdi. Qırımtatar ananeviy urbasınıñ ayrıca çizgisi onıñ beli bağlı ve endamına urğu qoyulğanını bilesiñizmi? Em erkeklerniñ, em de qadınlarnıñ urbaları belni belletmek içün yapılğan.