Zemaneviy dünyada medeniyetni, ananeviy yaşayış tarzlarını nasıl saqlap qalmaq mümkün? Bu sualge Qırımtatar teatriniñ artistleri «Aqılımda, Yüregimde, Qanımda» premyera programmasınen cevap berdiler. Kontsert qoranta ananeleriniñ qıymeti ve halqnıñ ruhunı köstermek maqsadını közde tuttı. Seyirciler öz tamırlarını asretliknen saqlağan bütün adamlarnıñ hatırlavlarında ve yüreklerinde ne yaşağanını aks ettirgen çıqışnıñ şaatı oldılar.