Qırımda ilk sefer qırımtatar dizaynerleri ve brendleriniñ «URBA FASHION DAY 2023» – qırımtatar lezzeti ile moda numayışı keçirildi. Mot tedbirniñ teşkilâtçısı – dizayner, «Lokko» tükânlar ağınıñ saibi Asiye Abduraimovadır. Qısqa vaqıt içinde o, icadiy taqımnı meydanğa ketirip, qırımtatarlar öz tamırlarını unutmadılar, bileler, dep bar sesnen aytabildi. «Urba fashion Day» numayışında 11 nefer qırımtatar dizaynerleri ve brendleri iştirak ettiler. Er biri numayış içün mahsus kollektsiya azırladı. Cemi 60 model 120-den ziyade mot obrazlarnı taqdim ettiler. «Urba fashion Day» milliy mot industriya içün yüksek nişan oldı.
