Er yılı Oraza bayram künlerinde Mayye Anafiyevanıñ reberligindeki «Yıldızlar» ansambli hayriye kontsertlerini teşkil ete. Bu sene de ananege uyaraq, ansambl mühlislerini kontsert ile quvandırdı. Genç oyuncılar yañı oyunlarnı numayış ettiler. Afize Kassara, Emine Mustafayeva, Reana Tarkova ve Arsen Bekirov kibi namlı yırcılar ise qoltutmağa keldiler. Kontsertte qazanılğan 200 biñ ruble «Açıq Yürekler» fondına hasta balalarnıñ tedaviyine berildi.
