Keñ cemaatçılıqqa yürekten çıqqan «Çal, Babam» yırınen belli olğan Susanna Mamutova Aqmescitte öz debüt solo kontsertini berdi. Efsaneviy «Dareci Ebazer» — Ebazer Osmanovnıñ qızını Qırımtatar teatri sıcaq ve gür elçırpmalarnen qarşıladı. Susanna hanım er bir toy merasimini canlandırğan babası kibi ömürini muzıkağa bağışlamaq arzusınen yaşamaqta. Yıllar devamında ğayretnen çalışaraq arzusını kerçekleştirmek şansına nail oldı. Eñ yahşı çalğıcılarnı birleştirgen Susanna Mamutova halq ve öz yırlarından tertip etilgen «Menim halqım» programmasını taqdim etti.
