Keçmi̇şni̇ araştirmaq zamani!

MEDENİYET|MUZIKA

Romaniyadaki qırımtatar diasporasınıñ 5 meşur yırı

1873 s. vaqialarından soñ, Qırımnıñ çöl tarafında yaşağan qırımtatar ealisi Romaniyağa icret etmege mecbur oldı. Şimdi bu ülkede eñ büyük qırımtatar diasporalarından biri yaşay. Köylerniñ ekseriyeti muacirler tarafından quruldı. Qırımlılar  medeniyet, menlik ve ananelerni ve atta bazı yırlarnı da saqlap qaldılar. Romaniyada yaşağan semetdeşlerimizniñ sıq yırlağan bir qaç qırımtatar halq yırı aqqında levhamıznı seyir etiñiz.