«Miras» oyun ansambli öz 10 yıllığını qayd etti. Yubiley kontserti ansamblniñ direktorı Elvira Kerimovanıñ qartanası Naciye Kerimovanıñ hatırasına bağışlandı. Tedbir rıq tolu zalda olıp keçti. Ansambl talebeleri musafirlerge qırımtatar oyunı bayramını bağışladılar. Davet etilgen artistler — Seyran 7’62 ve Fatma Cappar dueti, «Ebediyet» ansambli seyircilerni qırımtatar muzıkasınıñ ateşli ritmlerinen quvandırdılar.