«Ey, Güzel Qırım» yırınıñ sözleri közyaşsız diñlenmez. Onı halq yırı, dep sayalar. Amma, tahminlerge köre yırnıñ müellifleri Şükri Osmanov ve Fatma Halilova eken. Olar türküni 1968 senesi Qırımda bulunğanlarında yazğanlar. Kerçek, yırnıñ sözleri çoq yıllar içinde bayağı deñişken. Cümleden, türküniñ yañı beyitleri peyda oldı. Levha Gülnara Kerimovanıñ Avdet gazetasında maqalesi esasında azırlanıldı.
