Bekir Dedlovskiy – Qırımğa aşıq olğan aranjirovka ustası

Yırnıñ meşur olması içün onıñ üzerinde sadece bestekâr ve söz müellifi degil de, aranjirovka ustası da çalışmaq kerek. Bekir (Böris) Dedlovskiy – bu işte aqiqiy mütehassıs. O, Asan Hayretdinovnıñ “Sağındım” yırı ve Aysel Baliçniñ türküleri üzerinde çalıştı. Eñ çoq ise Bekir bey yaş istidatlarnen işbirlik yapmağa tırışa. Soñki vaqıt, o, “Canlı Ses” balalar yarışınıñ iştirakçilerine yardım ete.