O, tekrarlanmaz sesi, icracılıq mearetinen seyircilerni bir kereden meftün ete. Belli yırcı Afize Kasaranıñ repertuarında onlarnen unutılğan eski halq yırları yer almaqta. Öz icadınen o, ğayıp olayatqan muzıka variyetimizni ğayrıdan canlandıra, öz halqınıñ medeniyetini inkişaf ettire. Özüniñ mühlisleri içün Afize Kasara tek qırımtatar halq yırlarından ibaret canlı kontsert azırladı. Yırcığa zil tutalar: Cemil Karikov – bağlama, ut, Alim Qurtmemetov – klarnet, zurna, qaval, meĭ, Seit-Celil Ümerov — kemane, Marlen Halilov — dare, perkussiya.
Afize Kasara
