«Sarabuz» banket salonında aqiqiy oyun bayramı olıp keçti. Qırımda nam qazanğan artist, belli oyuncı, ustaz Mayye Anafiyeva özüniñ horeografik sanalaştırmaları çekilgen videokliplerni taqdim etti. Mayye hanımnıñ reberligindeki «Yıldızlar» ansambli bu vaqiağa yıl devamında azırlıq kördiler. Seyircilerniñ diqqatına 10 videoklip numayış etildi. Er bir işi tuvğan yurt, milliy medeniyet ve milliy oyunlarğa sevgi ile aşlanğan. Mayye Anafiyevanıñ icrasındaki «Asker qız» ve «Ebabil» oyunları bayramğa ayrıca bir tüs bağışladı.
Mayye Anafiyeva 10 videoklipini taqdim etti
