Marama – muqaddes emiyetke malik qırımtatar baş örtüsidir. «Nenkecan» mecmuası tarafından Zolaman müzeyinde teşkil etilgen lektsiyada tarih ilimleri namzeti, etnograf, F. Yaqubov adına QMPU dotsenti Ülviye Ablayeva maramanıñ çeşitleri, olarnıñ manası, tarihı aqqında ikâye etti. İleride «Ebediy degerlikler» türkümi çerçivesinde milliy urba, gırcıva, örnekler tili, milliy yemekler kibi mevzularda subetler keçirmek qararlaştırıldı.