«Yıldız» mecmuası — zemaneviy qırımtatar edebiyatınıñ yılnamecisidir. Derginiñ birinci sanı sürgünlikte 1976 senesi noyabr ayında çıqtı. O zaman derginiñ baş muarriri yazıcı Çerkez Ali oldı. Çeşit yıllarda neşirde belli yazıcı ve jurnalistler Şamil Alâdin, Üriye Edemova, Sabriye Seutova, Safter Nagayev, Ablâziz Veliyev, Naciye Ametova çalıştılar. İ. Gasprinskiy adına kütüphanede teşkil etilgen tedbirde mecmuanıñ 2023 senesi çıqqan sanları taqdim etildi.