Balalar pek tez ösmege mecbur oldılar — qırımtatarlarnıñ 1934-1944 seneleri doğğan nesili öyle edi. Cenk, sürgünlik ve açlıq — 20 asırnıñ ortalarındaki qıyınlıqlar bu şahıslarnı pişkinleştirdi, olarnıñ omuzlarına bütün halqımıznıñ boğulğan medeniyetini saqlap qalmaq ve canlandırmaq kibi ağır yükni qoydı. Amma bu nesil er bir sınavğa namusnen dayanıp, tsenzura ve zulum arasından qırımtatar edebiyatını misli körülmegen yüksekliklerge kötergen şair ve yazıcılarnıñ özgün bir nesilini yetiştirdi.