İ. Gasprinskiy adına kütüphanede yazıcı, edebiyatşınas Şevket Keşfidinov «XX asırda Emil Amit» kitabını taqdim etti. Neşir — üç yıllıq tedqiqat işiniñ mahsulıdır. Onda müellif belli yazıcı ve terciman icadınıñ edebiy taliline, maqaleler ve arhiv malzemelerine esaslanaraq onıñ bütün biografiyasını yaratmağa tırışqan. Tedbir musafirleri yazıcınıñ hayatı ve icadına dair meraqlı faktlarnı eşitip, az tedqiq etilgen eserlerinen tanış oldılar.
