«Tılsımlı diyarım menim» – balalar içün qırımtatar tilinde yañı kitap

Qırımtatar bala edebiyatı daa bir yañı kitapqa arttı. Şaire, yazıcı Ayşe Kökiyevanıñ «Tılsımlı diyarım menim» kitabı dünya yüzüni kördi. Kitap oquyıcını bala şiirleri, ikâye ve masalları, parmaq oyunları ve sayımlar alemine yetekley.
Cıyıntıqqa kirgen eserler balalarnıñ nutuq inkişafına, fikir yürsetüvine, diqqatlı olmalarına siltem bere. Söz baylığını arttıra. Eserler balalarnı em küldürir, em tüşündirirler. «Tılsımlı diyarım menim» 400 nushada basıldı.