«Bu qısqa köpürden men sensiz keçalmam» —Yunus Temirqayanıñ belli şiirinden alınğan bu satırlarnı endi otkrıtkalarda oqumaq mümkün. Şahsniye Degirmenci qırımtatar folklorı ve edebiyatından satırlarnı unikal otkrıtkalarnıñ üzerine yaza. Böyleliknen qız qırımtatar müellifleriniñ eserleri ve halq yaratıcılığını kündelik ömürge tadbiq etmege istey.
