Qırım hanlığı dağılğan soñ Qırımda neler oldı. Rusiye devletine qoşulğan soñ qırımtatar halqınıñ taqdiri nasıl oldı. Bu suallerge cevaplarnı Tatarstan Cumhuriyeti Ş. Marcani adına Tarih institutınıñ Qırım ilmiy merkezi tarafından azırlanğan ve Aqmescitte taqdim etilgen beş cıltlı «Qırımtatarlar tarihı»nıñ IV-nci cıltında tapmaq mümkün. Cılt üzerinde 32 müellif çalıştı. Neşir Qırımnıñ Rusiyege qoşluğan vaqtından 1920-nci yıllarğace devirni qavrap ala.