«Mustafa Selimov – öz halqınıñ sadıq oğlu». Onıñ tertipçileri — milliy areketniñ veteranı İzet İzedinov ve tarihçı, jurnalist Emir Ablâzov. Bir qaç yıl devamında neşirge azırlanğan kitapqa Qırım partizanları cenübiy birleşmesiniñ komissarı Mustafa Selimovnı şahsen bilgen insanlarnıñ hatırlavları, bunıñ kibi de komissarnıñ şahsiy arhivinden vesiqalar, cep defterleri ve fotomateriallar kirsetildi.
