İsmail Gasprinskiyniñ 1891-93 senelerde yazğan maqaleleri, kitap taqrizleri – bütün bularnı Tatarstan Cumhuriyeti Ş. Marcani adına Tarih institutınıñ Qırım ilmiy merkezi tarafından azırlanğan İ. Gasprinskiy eserler cıyıntığınıñ IV-nci cıltında oqumaq mümkün. Evel bu malzemelerni tek «Terciman» gazetasınıñ saifelerinde tapmaq mümkün edi. Cıltnıñ tertipçileri neşirge rus tilinde malzemelerni kirsetip, bazı malzemelerni qırımtatarcadan mahsus tercime ettiler.