Yazıcı olıp, bestsellerlerni neşir etmekni arzu etesiñizmi? Gasprinskiy adına qırımtatar kitaphanesinde soñki eki yıl devamında Murat ve Elmaz Yunusovlarnıñ reberlik yapqan «Qalem saibi» edebiy kurslarnıñ taqdimi yapıldı. Kurslar qırımtatar tilinde yazmağa ıntılğan büyükler ve ösmürlerni azırlay. Olarnıñ ilk ikâye ve masalları endi «Nenkecan» mecmuasınıñ saifelerinde basıldı ve yaqında ayrıca kitap olaraq çıqarılacaq.